Minnt er á að gjalddagi félagsgjalda er 31. júlí n.k. fyrir nýtt POWERtalk starfsár sem hefst 1. ágúst. Innheimta gjalda er á hendi fráfarandi gjaldkera deilda fyrir lok starfsársins en gjaldkeri landssamtakanna hefur þegar sent út fyrirmæli auk þess sem aðalstöðvar alþjóðasamtakanna hafa sent eyðublöð fyrir árgjöld 2010-2011 til gjaldkera allra deilda.
Allir POWERtalk félagar eru minntir á að endurnýja félagsaðildina með greiðslu á réttum tíma og um leið er minnt á 1 plús 1 - markmið hvers einasta félaga á nýja starfsárinu, þ.e. að hver félagi afli eins nýs félaga.
Hvernig hagnast þú á aðild að POWERtalk samtökunum?
- þú lærir að tjá þig betur
- þú verður öflugri jafnt í munnlegri sem skriflegri tjáningu og hlustun
- þú eflir forystuhæfileika
- þú lærir að skipulegja og stýra fundum
- þú nærð betri árangri í starfi og samfélaginu
- þú verður öruggur og afslappaður við allar aðstæður
- þú eignast nýja vini, jafnvel fyrir lífstíð
