Nýjasta hefti raftímaritsins POWERtalking, maí/júní 2010, er komið út og nú hægt að nálgast á forsíðu vefs alþjóðasamtakanna. Þetta er 17. tölublað ritsins frá upphafi og yfirskriftin er: "Yes!" for Success.
Heftið er alls 17 bls. og fjallað er um þjálfun í ræðumennsku - ræðugerð og ræðufutning; að nýta markvisst þjálfun í deildum; gildi hópvinnu; viðbrögð við frammíköllum í fyrirlestrum og kynningum. Forseti alþjóðastjórnar POWERtalk International, Margaret Sutherland, skrifar að venju forystugrein og í kynningu á Fellows of ITC er sagt frá Sally Thompson, Sunshine Region.
Annars vegar hægt opna ritið á skjótan hátt til að fletta og skoða (online) án þess að prenta og hinsvegar að hlaða eintaki af blaðinu niður á skjáborð (desktop) tölvu til áframhaldandi aðgengis þar eða útprentunar.
Þeir sem nota nýjustu uppfærslu af Firefox sem vafrara gætu lent í vandræðum með niðurhal á skjáborð en ættu vandræðalaust geta skoðað blaðið "online".
