POWERtalk á Íslandi

Þessar línur eiga ekki að vera áróður fyrir grænmetisáti nú þegar tími páskaeggjana gengur í garð, en fyrir þá sem ekki þekkja til þá er gulrót í boði á Silfurþinginu. Eins og þið takið eflaust eftir er talað í eintölu, þ.e. um "gulrót" . Fyrir utan það að gulrótin sé afar girnileg og safarík þá er mikill fengur í henni. Gulrótina hreppir sú deild sem mætir hlutfallslega með flesta félaga á Landsþingið. Gulrótin er sem sagt sú að vinningsdeildin fær eitt sæti endurgreitt á landsþinginu, sem hún getur þá gert við það sem hún vill, -deild niður á þá félaga sem mættu á þingið eða hvað eina.  Verður þín deild með bestu mætinguna á "Silfurþingið" og fær gulrót?

Að vanda var þetta skemmtilegur fundur hjá Korpum 17.3. 2010. Engin umræðuefni eru okkur óviðkomandi, við vitum ýmislegt um sleikipinna, símavændi og allt þar á milli. Við erum bara orðnar mjög leiknar við að draga upp lýsandi myndir með frásögnina að vopni. Á fundinum fengum við að æfa okkur í að ýkja og jafnvel skrökva heilu sögunum af okkur sjálfum og við komumst að því að enginn kemst með tærnar þar sem við höfum hælana (að minnsta kosti að eigin áliti).